ناظمہ بیگم کی خودکشی ،سسرالی افراد پر مقدمہ

ناندیڑ: ۱۴؍اپریل (اعتمادنیوز)قندہار کے ہتائی پورہ علاقہ میں تین دن قبل شادی شدہ خاتون ناظمہ بیگم نے پھانسی لے کر خودکشی کرلی تھی ۔ اس کے بھائی کی شکایت پر شوہر سمیت سسرالی افرادکے خلاف مقدمہ درج کیاگیا ہے ۔ پولس پریس نوٹ کے مطابق عادل آباد کے ایچوڑہ کی رہنے والی ناظمہ بیگم کی شادی کچھ عرصہ قبل قندہار کے ہتائی پورہ کے رہنے والے اشرف الدین عرف محسن کے ساتھ انجام پائی تھی ۔ شوہر محسن خسر ،



چاند صاحب ، ساس قیصر بی گزشتہ کچھ دنوں سے ناظمہ بیگم کو مائیکہ سے ایک لاکھ روپئے آٹوخریدنے کیلئے لانے کا مطالبہ کرکے اسے ذہنی و جسمانی تکالیف دے رہے تھے ۔ سسرالی مظالم سے تنگ آکر ناظمہ بیگم نے تین دن قبل سسرال میں ہی پھانسی لے کر خودکشی کرلی تھی ۔ ناظمہ بیگم کے بھائی شیخ افسرا حمد کی شکایت پر قندہار پولس اسٹیشن میں شوہر خسر اور ساس کے خلاف مقدمہ درج کیا گیا ہے ۔ تحقیقات پی ایس آئی پٹھا ن کررہے ہیں ۔